कराड(ज्ञानेश्वर शेवाळे) : कराड,गृह कर्जाचा बोजा मालमत्ता पत्रिका नोंद करण्यासाठी येथील भूमी अभिलेख कार्यालयाचे परीक्षण भूमापक कुंडलिक खंडू मोडक (वय 38) याला लाच घेताना रंगेहात पकडण्यात आले आहे.
आरोपी लोकसेवक कुंडलिक खंडू मोडक वय वर्षे -38 वर्ष पद-परिरक्षण भूमापक, (वर्ग- 03), नेमणूक उपअधीक्षक भूमी अभिलेख कार्यालय कराड, सध्याचा पत्ता-राजनंदिनी रेसिडेन्सी, होल कॉलनीचे मागे कराड. जि. सातारा. तर कायमचा पत्ता- मु पो खटकाले, तालुका जुन्नर, जिल्हा पुणे.
याबाबत मिळालेल्या माहितीनुसार, यातील तक्रारदार यांनी त्यांच्या गृहकर्जाचा बोजा मालमत्ता पत्रकी नोंद करण्यासाठी, भूमी अभिलेख कार्यालयातील कुंडलिक खंडू मोडक, पद-परिरक्षण भूमापक हे 10,000/- रु लाचेची मागणी करत असल्याची तक्रार ला.प्र. वि. पुणे विभागास दिनांक 03/02/2026 रोजी प्राप्त झाली होती. तक्रारदार यांच्या तक्रारीच्या अनुषंगाने दिनांक 03/02/2026 रोजी लाच मागणी पडताळणी करण्यात आली. त्यावेळी कुंडलीक मोडक, परिरक्षण भूमापक यांनी 10 हजार रुपये लाच रक्कम मागणी करून, तडजोडी अंती 7,000/-रुपये लाचेची मागणी केली.
आज दिनांक 03/02/2026 रोजी कराड येथील उपअधीक्षक भूमी अभिलेख कार्यालयामध्ये कुंडलिक खंडू मोडक, पद -परिरक्षन भूमापक यांनी तक्रारदाराकडून 7,000/- रुपये लाच रक्कम पंचासमक्ष स्वीकारली असता त्यास रंगेहाथ पकडण्यात आले.
