घोगाव : ग्रामीण विकास शिक्षण संस्था, उंडाळे संचलित श्री बाळसिद्ध विद्यालय, घोगाव येथे गुरुपौर्णिमेनिमित्त आयोजित करण्यात आलेला कार्यक्रम अत्यंत उत्साहपूर्ण आणि भावनिक वातावरणात संपन्न झाला. यावेळी विद्यालयातील सेवानिवृत्त शिक्षकांचा शाल, श्रीफळ व पुष्पगुच्छ देऊन सन्मान करण्यात आला.
या प्रसंगी महादेव साळुंखे, महादेव पाटील, सुभाष साळुंखे, उदय भंडारे, अनिल कुंभार, शोभा पाटील आणि कांता गायकवाड मॅडम यांचा विशेष सत्कार करण्यात आला.
कार्यक्रमात विद्यार्थ्यांनी आपल्या गुरुजनांप्रती कृतज्ञता व्यक्त करत मनोगते सादर केली. श्रेया आगंद पाटील, वैष्णवी पाटील, श्रेया सुनील पाटील, प्रणय नलवडे, सई पाटील, पायल सावंत, धनश्री पाटील, शंभुराज भेदाटे, वेदिका कांबळे, श्रेया भावके, श्रेयश भावके आणि समर्थ साळुंखे यांनी शिक्षकांविषयीच्या आपल्या भावना प्रभावीपणे व्यक्त केल्या.
यावेळी संस्थेचे संचालक रमेश शेवाळे, शंकर पाटील, आबा तसेच कांता गायकवाड यांनी विद्यार्थ्यांना गुरुंचे महत्त्व सांगितले. विद्यालयाचे मुख्याध्यापक डॉ. हणमंत सूर्यवंशी यांनी गुरु-शिष्य परंपरेचे महत्त्व अधोरेखित करत विद्यार्थ्यांनी ज्ञान, संस्कार आणि कृतज्ञतेची भावना कायम जपावी, असे आवाहन केले.
कार्यक्रमाचे प्रास्ताविक अशोक शिंदे यांनी केले. प्रांजली शेवाळे व वेदिका पाटील यांनी प्रभावी सूत्रसंचालन केले, तर हर्षल भावके यांनी आभार प्रदर्शन केले.
या कार्यक्रमाचे नियोजन इयत्ता नववीतील विद्यार्थी-विद्यार्थिनींनी अत्यंत शिस्तबद्ध आणि नेटकेपणाने केले. कार्यक्रमास अशोक पावरा रूपाली महाडीक, भिमराव भोसले, स्वप्नाली भावके, पालक, शिक्षक, विद्यार्थी व विद्यार्थिनी मोठ्या संख्येने उपस्थित होते. संपूर्ण कार्यक्रम गुरुजनांविषयी कृतज्ञता, आदर आणि संस्कारांचा संदेश देणारा ठरला.
