ठाणे : केंद्र सरकारने लागू केलेल्या चार कामगार कायद्यांच्या निषेधार्थ ‘धर्मराज्य पक्षा’च्या वतीने उद्या गुरुवार, दि. १२ फेब्रुवारी २०२६ रोजी ठाणे येथे निदर्शने करण्यात येणार आहेत. सकाळी ११ वाजल्यापासून ते दुपारी २ वाजेपर्यंत जिल्हाधिकारी कार्यालयाजवळील शासकीय विश्रामगृहाबाहेर हे आंदोलन होणार असल्याची माहिती पक्षाच्या वतीने देण्यात आली आहे.
या निषेध आंदोलनाचे नेतृत्व ‘धर्मराज्य पक्षा’चे अध्यक्ष तथा ज्येष्ठ कामगार नेते मा. राजन राजे साहेब करणार आहेत. केंद्र सरकारच्या कामगार कायद्यांमुळे कामगारांच्या हक्कांवर गदा येत असल्याचा आरोप करत या कायद्यांविरोधात तीव्र निषेध नोंदविण्यात येणार असल्याचे पक्षाच्या पदाधिकाऱ्यांनी सांगितले.
सदर आंदोलनाचे वार्तांकन करण्यासाठी माध्यम प्रतिनिधी व छायाचित्रकारांनी उपस्थित राहून प्रसिद्धीस सहकार्य करावे, अशी विनंती प्रसिद्धी प्रमुख संजय दळवी यांनी केली आहे.
