म्हसवड(अजित जगताप): संपूर्ण पश्चिम महाराष्ट्राचे लक्ष लागलेल्या सातारा जिल्ह्यातील म्हसवड नगरपालिका निवडणुकीत चाणक्य गोरे बंधूंच्या राजकीय लाटेत भाजपचे कमळ फुलले. भाजप शंभर टक्के यशस्वी ठरली आहे. गोरे बंधू विरोधकांच्या बोलघेवडा प्रकार उघडकीस आला आहे. तसेच राज्याच्या राजकारणात जय हो चा नारा बुलंद बनला आहे.
म्हसवड नगरपरिषदेच्या मतदानाच्या निकालामध्ये भाजपने पहिल्याच फेरी पासुन आघाडी घेतली . गुलालाची उधळण व फटाक्याची आधीपासूनच तयारी करण्यात आली होती. त्यामुळे खऱ्या अर्थाने माण – खटाव मतदारसंघात ग्रामविकास मंत्री जयकुमार गोरे व युवा नेते शेखर गोरे आणि
कार्यकर्त्यांच्या नियोजनबद्ध प्रचार यंत्रणेने विरोधकांचे पानिपत झाले. जातीय समीकरणातून झालेल्या प्रचारात सुद्धा भाजप एकतर्फी विजय मिळवू शकते.या आत्मविश्वासाने कार्यकर्त्यांच्या मेहनतीला चांगले फळ मिळाले आहे.
म्हसवड पालिका निवडणुकीत २१ जागेसाठी ४९ उमेदवार रिंगणात होते . यामध्ये म्हसवड पालिकेचे नगराध्यक्ष पद हे खुल्या वर्गातील महिलेसाठी आरक्षित असल्याने या पदासाठी तीन महिला निवडणुक लढवित होत्या, या निवडणुकीत भाजपकडुन पुजा सचिन विरकर, सिध्दनाथ नागरिक आघाडीकडुन भुवनेश्वरी तेजसिंह राजेमाने तर बहुजन समाज पार्टीकडुन रुपाली वाल्मिक सरतापे होत्या, तर इतर १० प्रभागातुन काही अपक्षासह भाजप, शिवसेना व ठाकरे गट असे उमेदवार काही नशीब आजमावित होते.
राज्याचे मंत्री जयकुमार गोरे यांच्या मतदारसंघात त्यांनी कोंडीत पकडण्यासाठी फलटण उभी केली होती. पण, सरदार गारद झाल्याने कमळ फुलविण्यास कोणतीच अडचण आली नाही. योग्य वेळी अचूक निर्णय घेऊन युवा नेते शेखर गोरे यांनी खत पाणी पुरवून कमळ फुलविण्यास मदत केली आहे.
त्यामुळे आता विधानपरिषदेचे प्रमुख दावेदार भाजप रिंगणात त्यांची दमदार एंट्री झाली आहे.
म्हसवड नगरपालिका भाजपच्या नगराध्यक्ष पदाच्या उमेदवार पुजा सचिन विरकर यांनी सुरुवाती पासूनच मताधिक्य मध्ये आघाडी घेतली. शेवटच्या प्रभागात पुजा सचिन विरकर या ४८४४ मतांनी विजयी झाल्या, तर भाजपच्या सर्व उमेदवारांनीही एकतर्फी विजय मिळवत पालिकेची सत्ता हाती घेतली आहे.
म्हसवड नगरपालिका प्रभाग निहाय झालेल्या मतदानाची आकडेवारी पुढीलप्रमाणे
प्रभाग क्र. १ ( अ )
चैताली अनिल शिंदे ( भाजप ) ४७८ मतांनी विजयी, ( ब ) विजय रामचंद्र धट ( भाजप ) १६३ मतांनी विजयी
प्रभाग क्र. २ ( अ ) सतीश शिवाजी मासाळ ( भाजप ) ३४६ मतांनी विजयी, ( ब ) सविता वसंत मासाळ (भाजप ) ३९१ मतांनी विजयी,
प्रभाग क्र.३ ( अ ) लखन मारुती लोखंडे ( भाजप ) ५२० मतांनी विजयी ( ब ) दिपाली धनंजय शिंदे ( भाजप ) ३०९ मतांनी विजयी,
प्रभाग क्र. ४ ( अ ) माधुरी महेश लोखंडे ( भाजप ) १३८ मतांनी विजयी, ( ब ) अकिल मैनुद्दीन काझी ( भाजप ) ३३५ मतांनी विजयी,
प्रभाग क्र. ५ ( अ ) श्रीदेवी निषांत पिसे ( भाजप ) ९९९ मतांनी विजयी, ( ब ) प्रज्योत किरण कलढोणे ( भाजप ) १२२३ मतांनी विजयी,
प्रभाग क्र. ६ ( अ ) आकाश बाळासाहेब पानसांडे ( भाजप ) १७० मतांनी विजयी, ( ब ) स्नेहल युवराज सूर्यवंशी ( भाजप ) १६० मतांनी विजयी,
प्रभाग क्र. ७ (अ ) प्रमिला जयंत ढाले ( भाजप ) २३६ मतांनी विजयी, ( ब ) युवराज दिनकर सूर्यवंशी ( भाजप ) ४९० मतांनी विजयी,
प्रभाग क्र. ८ ( अ ) अरुणा महेश गायकवाड ( भाजप ) ५८६ मतांनी विजयी, ( ब ) महावीर गिरजाप्पा विरकर ( भाजप ) ४९९ मतांनी विजयी,
प्रभाग क्र. ९ ( अ ) पुनम नारायण विरकर ( भाजप ) ५०८ मतांनी विजयी, ( ब ) विजय रामचंद्र बनगर ( भाजप ) ५१४ मतांनी विजयी,
प्रभाग क्र. १० ( अ ) स्वाती दिपक बनगर ( भाजप ) ५९१ मतांनी विजयी, ( ब ) अभिषेक आप्पा विरकर ( भाजप ) ४६९ मतांनी विजयी, हे भाजपचे नगरसेवकर पदाचे उमेदवार विजयी ठरलेत.
——– ——— ——- —— —– —— —
फोटो — म्हसवड नगरपालिका भाजप विजयाने जल्लोष करताना कार्यकर्ते (छाया – निनाद जगताप, म्हसवड)
