नवी मुंबई : शिक्षक व अधिकारी यांच्या कलागुणांना वाव देण्यासाठी राज्य शैक्षणिक संशोधन व प्रशिक्षण परिषद पुणे यांच्या वतीने विविध स्पर्धचे आयोजन राज्यभरात केले गेले आहे. यामध्ये सुगम गायन स्पर्धत नवी मुंबई महानगरपालिकेतील शिक्षिका रीता लखनलाल नागज्योती यांनी संत एकनाथ महाराज यांची रचना असणारे भक्ती गीत सादर करत प्रथम क्रमांक पटकावला. सदरील स्पर्धा नवी मुंबई महानगरपालिका शाळा क्रमांक १५, शिरवणे याठिकाणी पार पडली. या स्पर्धेच्या सुंदर आयोजनासाठी केंद्र समन्वयक रंजना साळी यांनी मेहनत घेतली. त्यांच्या या यशाबद्दल मा. उपायुक्त (( शिक्षण) संघरत्ना खिल्लारे मँडम, मा. शिक्षणाधिकारी अशोक कडुस साहेब, मा. विस्तार अधिकारी सुलभा बारगरे मँडम, मा. केंद्र समन्वयक रमेश तेली, मा. मुख्याध्यापक जयप्रकाश पाल यांसह नवी मुंबईतील शिक्षण विभागासह इतर सर्वांनी अभिनंदन केले आहे.
