धारावी – धारावी कोळी जमात ट्रस्ट यांच्या वतीने धारावी कोळीवाडा, टी-जंक्शन बस स्टॉप मागे शनिवारी (दि. १५ नोव्हेंबर २०२५) आयोजित पत्रकार परिषदेत पुनर्विकास प्रकल्पाशी संबंधित गंभीर अनियमितता, चुकीचे सिमांकन व हक्काबाबत मुद्दे उपस्थित केले.
कोळी जमात ट्रस्टने २०१८ मधील भूमि अभिलेख विभागाचे अपूर्ण सिमांकन, कोळीवाडा पुनर्विकास प्रकल्पातून वगळणे, चुकीचे क्षेत्रफळ दाखविणे, १९९० साली म्हाडाकडून दिलेली खोटी आश्वासने, वहिवाटीची व मासे सुकविण्याची जागा बळकावणे, आरटीआयद्वारे उघड झालेला शासनाचा चुकीचा व्यवहार व कोळीवाड्याच्या पारंपरिक सण-उत्सवांच्या जागेवर अतिक्रमणाचा प्रयत्न यावर थेट आरोप करत तीव्र नाराजी व्यक्त केली.
या परिषदेला अध्यक्ष डॉमणिक किणी, जोसेफ कोळी, सेक्रेटरी दिगंबर कोळी, देवयानी कोळी तसेच कोळी समाजातील महिला-पुरुष मोठ्या संख्येने उपस्थित होते.
धारावी कोळीवाडा हा मुळ मुंबईकर व भुमिपुत्रांचा वारसाहक्काचा प्रदेश असल्याचा ठाम पुनरुच्चार करत कोळी समाजाने पुनर्विकास प्रकल्पातील त्रुटी तात्काळ दुरुस्त करण्याची मागणी सरकारकडे केली आहे.
