तापोळा(नितीन गायकवाड) : तळदेव गटातून प्रचंड बहुमताने निवडून आलेले जिल्हा परिषद सदस्य अजित दादा संकपाळ आणि संजय मोरे यांनी कांदाटी खोऱ्यातील अतिदुर्गम भागाचा दौरा केला. यावेळी त्यांनी जिल्हा परिषदेमार्फत सुरू असलेल्या बोट सेवेची पाहणी करून प्रवाशांशी संवाद साधला व त्यांच्या सहकार्याबद्दल आभार मानले.
या दौऱ्यावेळी जिल्हाप्रमुख विशाल भाऊ संकपाळ, सचिन कदम, किरण माने, अमृत जंगम आदी पदाधिकारी उपस्थित होते. कांदाटी खोऱ्यातील दुर्गम भागातील मतदारांनी दिलेल्या प्रचंड प्रेम व मताधिक्यामुळे हा विजय शक्य झाल्याची भावना व्यक्त करत संकपाळ आणि मोरे यांनी मतदारांचे मनःपूर्वक आभार मानले.
“इथून पुढे या विभागाचा सर्वांगीण विकास नामदार मंत्री एकनाथ शिंदे साहेब यांच्या मार्गदर्शनाखाली करण्यासाठी आम्ही सर्व शिवसैनिक तत्पर आहोत,” असे आश्वासन त्यांनी दिले.
युवा सेना तालुकाप्रमुख विशाल भाऊ संकपाळ यांनीही नव्या पिढीला सेवा करण्याची संधी दिल्याबद्दल मतदारांचे आभार मानले. “मिळालेल्या या संधीचे आम्ही सोने करू आणि एकनाथजी शिंदे साहेब यांच्या स्वप्नातील तालुक्याचा सर्वांगीण विकास घडवून आणू,” असा विश्वास त्यांनी व्यक्त केला.
