मुंबई (शांताराम गुडेकर) : समाजात विविध क्षेत्रांत लोक कल्याणार्थ कार्यरत असलेल्या सेवाभावी संस्था आहेत.या संघटना एका विशिष्ट हेतूने काम करते यातील स्वयंसेवक स्वेच्छेने व निःस्वार्थीपणे कोणतेही काम व मदत करण्यास तत्पर असतात.या संघटना प्रामुख्याने नैसर्गिक आपत्तींत सापडलेल्यांना अनेक प्रकारे साहाय्य करतात. अन्नधान्य , कपडे , गृहोपयोगी वस्तू , औषधे , वह्या पुस्तके अशा विविध अंगांनी मदतही देतात. यांशिवाय लोकांना मूलभूत हक्कांची जाणीव करून देणे, नागरी सुविधांबद्दल जागरूक करणे, बेरोजगारांना रोजगार मिळवून देण्यास साहाय्य करणेतसेच अन्य अनेक समस्यांची सोडवणूक करण्यासाठी सहकार्य करण्याचे काम पंचरत्न मित्र मंडळ गेली अनेक वर्षे निस्वार्थी पणे करीत आहे.समाजाचे ऋण फेडण्यासाठी सतत अनेक वर्ष कार्यरत असलेल्या आर.सी.एफ कर्मचारी वर्गाच्या पंचरत्न मित्र मंडळ (रजि.) चेंबुरतर्फे अध्यक्ष अशोक भोईर, सचिव प्रदीप गावंड खजिनदार सचिन साळूंखे , उपाध्यक्ष रमेश पाटील , सहसचिव वैभव घरत , सल्लागार हनुमंता चव्हाण, सर्व महिला -पुरुष कार्यकर्ते यांच्या प्रयत्नाने अनेक समाजोपयोगी उपक्रम राबविण्यात येतात.
पंचरत्न मित्र मंडळ (रजि.)चेंबूर तर्फ मंडळाच्या वार्षिक दिनदर्शिकेचे प्रकाशन मंगळवारी (दि.३० डिसेंबर) रोजी आर.सी.एफचे अध्यक्ष व व्यवस्थापकीय संचालक सन्मा.श्री.श्रीनिवास मुडगेरीकर साहेब व संचालक विपणन श्री.निरंजन सोनक साहेब यांच्या हस्ते करण्यात आले.या कार्यक्रमास पंचरत्न मित्र मंडळाचे अध्यक्ष श्री.अशोक भोईर,श्री.वैभव घरत, श्री.सूर्यकांत वासुदेव,श्री.मंदार भोपी,श्री.सचिन राखाडे,श्री.प्रशांत म्हात्रे,श्री.ऋषिकेश जंगम,श्री पुरु पाटसावगीकर इ. सभासद हजर होते.आर. सी. एफचे सी.एम.डी साहेबांनी पंचरत्न मित्र मंडळाच्या सामाजिक कार्याचे कौतुक करून मंडळाच्या पुढील वाटचालीसाठी हार्दिक शुभेच्छा दिल्या.
