मेढा(अजित जगताप) : जावळी तालुक्याचे महत्त्वाचे ठिकाण असलेल्या मेढा नगरीमध्ये दारूबंदी असली तरी दारूचा वास सर्वत्र दरवळतो. पाच मिनिटात दारू उपलब्ध होते पण, दोन दिवसांनी पाणी अशी बिकट अवस्था आहे. पाणी पट्टी व घरपट्टी वर्षभर भरावी लागत आहे.याबाबत स्थानिक पातळीवर आवाज उठवला जात आहे. तरी ही सत्ताधारी विकास कामाचे डांगोरा पिटत आहे. यंदा विरोधक आक्रमक झाल्याने मतदारांचा असंतोष मत पेटी तून प्रकट होण्याची चिन्ह दिसत आहे.
कण्हेर धरण उशाला.. पण, पाण्यासाठी मेढा नगरी व परिसरातील लोकांना वणवण हिंडावे लागत आहे. मतदारांनीच लोकप्रतिनिधीचा कचरा केलाय तर उमेदवारांना पैसे वाटून मतं घेण्याची सवय लागलेली आहे. त्यामुळे पूर्वीच्या चैतन्य होते. आता पाण्यासाठी रिकामं गाडगे घेऊन भ्रमंती करावी लागत आहे. ही वस्तुस्थिती असली तरी झाकली मूठ सव्वा लाखाची असा कारभार आहे.
हाताला काम नसल्यामुळे रिकाम टेकड्यांच्या चर्चा ऐकून बऱ्याच लोकांना निवडणुकीत रोजगार उपलब्ध झाला आहे. लोकप्रतिनिधींनी विकास कामे केली नाहीत. मीच विकास कामे केली. असे छातीठोकपणाने काही जण पत्रकाद्वारे द्वारे कळत नकळत सांगत आहेत. सोमवारच्या बाजारच्या दिवशी रस्त्यावरून चालले मुश्किल झालेले आहे. त्याचे ही पडसाद निवडणूक प्रचारात दिसत आहे. भाजप, शिवसेना, राष्ट्रवादी व अपक्ष अशी १७ प्रभागातील सतरा अवस्था आहे. कोण कोणाची मते खाऊन पालखी करणार? याची दबक्या आवाजात चर्चा आहे. रसद पुरवली असली तरी वाटप पारदर्शक न झाल्याने दगा फटका किती बसणार? हे ३डिसेंबर च्या मत मोजणी स्पष्ट होणार आहे.
