मुंबई – रिपब्लिकन पक्षाच्या राष्ट्रीय कार्यकारिणी ची बैठक उद्या सोमवार दि.1 डिसेंबर 2025 रोजी नवी दिल्लीत आयोजित करण्यात आलेली आहे . नवी दिल्लीतील नवीन महाराष्ट्र सदन येथे दुपारी 3 वाजता ही बैठक आयोजित करण्यात आली आहे अशी माहिती रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांनी दिली.
रिपब्लिकन पार्टी ऑफ इंडिया(आठवले) या पक्षाचे राष्ट्रीय अधिवेशन देशाच्या मध्यवर्ती ठिकाणी आयोजित करण्याबाबतचा विचारविनिमय रिपब्लिकन पक्षाच्या राष्ट्रीय कार्यकारीणिच्या बैठकीत करण्यात येणार आहे.रिपब्लिकन पक्षाची देशभरातील सभासद नोंदणी आणि संघटनात्मक निवडणुकांचा आढावा या राष्ट्रीय कार्यकारणीच्या बैठकीत घेण्यात येणार आहे. देशभरात अनेक राज्यात विविध स्तरावर लढवलेल्या निवडणुकीच्या कामगीरीचाही आढावा या बैठकीत घेण्यात येणार आहे.रिपब्लिकन पक्षाच्या पुढील वाटचालीबाबत या बैठकीत विचारविनिमय करण्यात येणार आहे रिपब्लिकन पक्षाच्या कार्यकारणीत देशभरातील प्रदेश अध्यक्ष आणि राष्ट्रीय कार्यकारणीचे पदाधिकारी उपस्थित राहतील अशी माहिती ना.रामदास आठवले यांनी दिली आहे.
