मुंबई : लोककला क्षेत्रात भरीव कार्य केल्याबद्दल जेष्ठ पत्रकार खंडूराज गायकवाड यांना महाराष्ट्र शासनाच्या सांस्कृतिक कार्य विभागाचा *राज्य सांस्कृतिक पुरस्कार* जाहीर झाला.
राज्यातील लोककलावंतांच्या प्रश्नावर गेली वीस वर्षांपासून कार्य करीत असलेले मंत्रालयातील जेष्ठ पत्रकार खंडूराज गायकवाड यांना सांस्कृतिक कार्य विभागाने प्रयोगात्मक कलेतील भरीव योगदानाबद्दल सन 2024 चा राज्य सांस्कृतिक पुरस्कार जाहीर केला आहेत.
त्यांनी तमाशा सम्रादयी कै.विठाबाई नारायणगावकर यांच्या नावाने जीवन गौरव पुरस्कार सुरू करण्यासाठी शासन स्तरावर अथक प्रयत्न केले.राज्यातील लोककलावंत अनुदान शिफारस समितीवर त्यांनी काम केले आहेत.
रंगभूमी प्रयोग परिनिरीक्षण मंडळाचे ते अनेक वर्षं सदस्य होते. मंत्रालय आणि विधिमंडळ वार्ताहर संघाचे कार्यकारिणी सदस्य असून अनेक सामाजिक संस्थेशी खंडूराज गायकवाड जोडले गेलेले आहेत.
