सातारा(अजित जगताप) : सातारा नगरपालिकेच्या निवडणुकीमध्ये सध्या ठेकेदारीतील कमिशन व धनशक्तीमुळे भ्रष्टाचाराचे नूतनीकरण होऊ नये. यासाठी आता राष्ट्रवादी प्रदेशाध्यक्ष आ .शशिकांत शिंदे यांच्या नेतृत्वाखाली सातारा शहरातील माता भगिनी मतदारांनी सद्विवेक बुद्धीने स्वाभिमानासाठी महिला उमेदवारांच्या तुतारी घेतलेल्या माणूस चिन्हावर मतदान करावे. असे नम्र आवाहन राष्ट्रवादी काँग्रेस पक्ष महिला पदाधिकारी राजश्री पाटील यांनी सातारा शहर येथे केले आहे.
सातारा नगरपालिकेच्या नगराध्यक्ष पदावर राष्ट्रवादी काँग्रेस पक्ष तथा महाविकास आघाडीने एक विचारणे सक्षम महिला व अनुभवी सामाजिक कार्यकर्ते सौ .सुवर्णाताई पाटील व अन्य महाविकास आघाडीचे सक्षम उमेदवारी देऊन तमाम कार्यकर्ते व महिला वर्गाला प्रतिष्ठा प्राप्त करून दिलेली आहे. त्यामुळे कोपरा सभा प्रचाराच्या फेरीमध्ये परिवर्तन घडवण्यासाठी मतदारी सहभाग घेत आहेत.या संधीचे महिला मतदार निश्चितच सोनं करतील.
ही निवडणूक म्हणजे विचारपूर्वक सातारा नगरपालिकेच्या भ्रष्ट कारभाराला अंकुश ठेवण्यासाठी तुतारी घेतलेल्या माणूस या चिन्हावर मतदान करणे. हे तमाम महिला वर्गाचे कर्तव्य आहे. महिलांनी जागृतपणाने मतदान करावे. यासाठी साताऱ्यातील प्रत्येक प्रभागांमध्ये युवती, महिला वर्ग व ज्येष्ठ नागरिक तसेच सातारा शहरातील कारभाराचा अनुभवाने शहाणपण प्राप्त झालेल्या मतदारांनी निश्चय केला आहे. आता मतदारच परिवर्तन घडवण्यास सज्ज झाले आहेत. प्रचारा निमित्त महिला वर्गाला जागृती करण्यासाठी राष्ट्रवादी काँग्रेस महिला प्रदेश उपाध्यक्ष सुमित्रा जाधव, राजश्री पाटील वैशाली जाधव, नलिनी जाधव व अन्य महिला पदाधिकारी परिश्रम घेत आहेत.
सातारा नगरपालिकेची हद्द वाढ झाल्यापासून अनेक जण शाहूपुरी शाहूनगर विकास नगर विलासपूर या परिसरात घार जशी पिल्लांना उचलण्यासाठी घिरट्या घालतात. अशाप्रकारे ठेकेदारीच्या पैशातून”घिरट्या घातल्या जात आहेत. तात्कालीन आमदार व सध्याचे राष्ट्रवादी काँग्रेस प्रदेशाध्यक्ष आमदार शशिकांत शिंदे यांनी या भागाचा कायापालट करण्यासाठी लाखो रुपयांचा निधी दिला आहे. त्यामुळे या भागातील काही नागरिक सुविधा उपलब्ध करण्यास मदत झाली आहे. ही वस्तूस्थिती आहे. हे मतदार सुद्धा नाकारत नाही. आज आमदार शिंदे यांच्या नेतृत्वाखाली तसेच सहकाऱ्यांच्या मार्गदर्शनाखाली ही निवडणूक होत आहे. सर्वसामान्य कुटुंबातील विकास कामाची जाण असणारे उमेदवार देऊन खऱ्या अर्थाने सातारचा चेहरा मोहरा बदलण्याचे काम हाती घेतले आहे.
सातारा नगरपालिकेची निवडणूक होईल व जाईल परंतु आपण केलेले मतदान वाया जाऊ नये याची काळजी घेणे. तितकच गरजेचे आहे. सध्या ठेकेदार व धनशक्ती आणि व्यक्तीनिष्ठा मांडणाऱ्या उमेदवारांमुळे सामान्य मतदार हा परिघाच्या बाहेर फेकला गेला आहे. स्वतंत्ररित्या बोलण्याचे स्वतंत्र नसल्यामुळे गुलाम आणि गुलामगिरी साठी मतदान करू नये. यासाठीच स्वातंत्र सैनिकांप्रमाणे ठेकेदार मुक्त सातारचा कारभार होण्यासाठी महाविकास आघाडीच्या तुतारी घेतलेला माणूस, मशाल व समविचारी पक्षाच्या उमेदवारांना निवडून द्यावे असे आवाहन करण्यात येत आहे.
ढाबा संस्कृती, लोकशाही धोक्यात आणणारे पैसा वाटप दलाल, भ्रष्ट सरकार यंत्रणा या युतीपासून सातारला वाचवण्यासाठी आपले एक मत बहुमूल्य मत ठरणार आहे. भविष्यात सातारचा विकास पाहण्यासाठी एक वेळेस संधी देऊन आपणच आपल्या विकासाचे शिल्पकार व्हावे. अन्यथा एका चुकीच्या मतामुळे आपल्याला गुलामगिरीचे नूतनीकरण होऊन भावी पिढी माफ करणार नाही असे स्पष्ट केले आहे. सध्या मतदारसंघांमध्ये उदंड प्रतिसाद लाभत आहे ही क्रांती कायमस्वरूपी टिकवण्यासाठी मतदान करणे हे आपले कर्तव्य आहे यामध्ये आपले मत हेच सातारकरांचे मत हे दाखवण्यासाठी मंगळवार दिनांक २ डिसेंबर रोजी तो तारीख घेतलेला माणूस व मशाल आणि सहयोगी पक्षाच्या उमेदवारांना निवडून द्यावे हेच आपले परमकर्तव्य आहे. सहा वर्षांनी आलेली संधी जर वाया गेली तर पुढील दहा-पंधरा वर्ष अशी संधी मिळणार नाही याचीही मतदारांनी जाणीव ठेवावी असे स्पष्ट करण्यात आले आहे. यावेळी राष्ट्रवादी काँग्रेस प्रदेश सरचिटणीस नरेश देसाई, जिल्हा सरचिटणीस राजकुमार पाटील, साहिल शिंदे, तेजस शिंदे, विजय बोबडे, पारिजात दळवी, निलेश जगदाळे, अजित भोसले, महिला पदाधिकारी राजश्री जोशी, राधिका पाटील, सीमा भाटिया, निर्मल पाटील ,रजिया शेख शुभांगी निकम पूजा बनसोडे , आयेशा शफिक शेख, जिलानी पठाण, मुर्जीया पठाण, माया कांबळे, सुजाता वायदंडे, मंगला काटकर, शोभा मोहिते यांच्यासह सातारकर मतदार सुद्धा उपस्थित होते.
——- —— —— ——
फोटो — सातारा नगराध्यक्ष पदाच्या उमेदवार सुवर्णाताई पाटील यांच्या समवेत राष्ट्रवादी प्रदेशाध्यक्ष व आ. शशिकांत शिंदे व मान्यवर (छाया– अजित जगताप, सातारा)
