नवी मुंबई(भीमराव धुळप) : कोपरखैरणे येथील राजराजेश्वरी रणादेवी माता मंदिर परिसरात शिव सेना आयोजित अखंड हरिनाम सप्ताह, ज्ञानेश्वरी पारायण, गीता जयंती, दत्त जयंती आणि वर्धापन दिन (१९ वा) या त्रिवेणी संगमा निमित्त १५०० जेष्ठ नागरिकांचा भव्य सत्कार सोहळा ३ व ४ डिसेंबर २०२५ रोजी उत्साहात पार पडणार आहे.
या दोन दिवसीय धर्म, संस्कृती आणि समाजसेवा एकत्र आणणाऱ्या सोहळ्याचे आयोजन विशेष दिमाखात करण्यात आले असून, स्थानिक स्तरावर मोठी उत्सुकता पाहायला मिळत आहे.
१५०० जेष्ठ नागरिकांचा गौरव – सोहळ्याचे मुख्य आकर्षण
कार्यक्रमाच्या निमित्ताने समाजासाठी आपले आयुष्य वाहिलेल्या १५०० जेष्ठ नागरिकांना सन्मानचिन्ह, अंगवस्त्र आणि अभिनंदनपत्र देऊन गौरविण्यात येणार आहे. जेष्ठांचा आशीर्वाद आणि समाजातील त्यांचे योगदान जपण्याचा हा उपक्रम सर्वत्र कौतुकास्पद ठरत आहे.कार्यक्रमाचे ठिकाण, राजराजेश्वरी रणादेवी माता मंदिर, सेक्टर-१९A, कोपरखैरणे, नवी मुंबई दिनांक: बुधवार, ३ व ४ डिसेंबर २०२५ रोजी संपन्न होणार आहे. या सोहळ्यास खालील मान्यवर उपस्थित राहणार आहेत:
श्री. शिवराम प. पाटील माजी नगरसेवक, माजी सभापती स्थायी समिती, सौ. अनिता शि. पाटील – (प्रथम नगरसेविका) त्यांच्या मार्गदर्शनाखाली आयोजित करण्यात आलेला हा विशेष उपक्रम सामाजिक एकात्मता व सांस्कृतिक परंपरा टिकवण्याचा प्रेरणादायी संदेश देणारा ठरणार आहे. शिवसेनेतर्फे आयोजित हा धार्मिक-सामाजिक संगम, जेष्ठ नागरिकांचा सन्मान आणि वर्धापन दिनाचा उत्सव—या सर्वांची एकत्रित मेजवानी कोपरखैरणे मधील नागरिकांसाठी अविस्मरणीय ठरणार असल्याची प्रतिक्रिया स्थानिकांमध्ये उमटत आहे.
