मुंबई(रमेश औताडे) : विविध क्षेत्रातील नामवंत व्यक्तींच्या उपस्थितीत महाराष्ट्र समाज भूषण पुरस्कार नुकताच संपन्न झाला. यावेळी सामाजिक कार्यकर्ते
परमेश्वर कदम यांना महाराष्ट्र समाज भूषण पुरस्कार महाराष्ट्र राज्य सांस्कृतिक कार्य मंत्री आशिष शेलार यांच्या उपस्थितीत देण्यात आला.
परमेश्वर कदम यांनी कामराज नगर, घाटकोपरच्या हजारो झोपडी धारकांच्या आयुष्यात परिवर्तन घडवून आणले आहे. २५ वर्षापासून पिण्याचे पाणी मिळत नव्हते, “जोपर्यंत लोकांना पाणी मिळवून देणार नाही तो पर्यंत चप्पल घालणार नाही” अशी शपथ कदम यांनी घेतली आणि लोकांना पाणी मिळाल्यानंतरच चप्पल घातली.
झोपडपट्टीतील विविध समुदायांच्या एकत्रिकरणासाठी निरंकारी सत्संग भवन, विठ्ठल मंदिर, ज्योतिबा मंदिर, हरिओम सत्संग भवन, पद्मशाली सत्संग भवन यांसारखे अनेक धार्मिक आणि सामाजिक आधारभूत ठिकाणे उभारली.
दोन हजार पेक्षा जास्त झोपडिवासीयांना एस आर ए प्रकल्पांतर्गत एक बेडरूम हॉल किचन मिळवून दिले. ज्यामुळे हजारो लोकांचे स्वप्न साकार झाले. सेवाभावी प्रयत्नांमुळे त्यांची पत्नी मंगल कदम यांना २०१२ मध्ये तर परमेश्वर कदम यांना २९१७ मध्ये प्रचंड बहुमताने जनतेने नगरसेवक म्हणून स्वीकारले.
