नवी मुंबई(नितीन गायकवाड) : भिमक्रांती युवक संघटना महाबळेश्वर शाखा, मुंबई यांच्या वतीने भारतीय बौद्ध महासभेचे सातारा जिल्हाध्यक्ष आयुष्यमान अशोक भालेराव यांच्या सर्वानुमते आणि बिनविरोध निवडीबद्दल भव्य स्वागत व सत्कार सोहळा ऐरोली, नवी मुंबई येथे दिनांक ३० नोव्हेंबर २०२५ रोजी आयोजित करण्यात आला आहे. या प्रसंगी सातारा जिल्ह्याची संपूर्ण कार्यकारणी सन्मानित करण्यात येणार असून, जिल्ह्यात धम्मचळवळीचे उत्कृष्ट काम करणाऱ्या पदाधिकाऱ्यांचा गौरव होणार आहे.धम्मकार्याच्या कामगिरीची राज्य कार्यकारणीकडून दखल महाबळेश्वर तालुक्यात भारतीय बौद्ध महासभेचे सातत्यपूर्ण आणि प्रभावी कामकाज होत असल्याची दखल घेऊन राज्य कार्यकारिणीने पुन्हा एकदा अशोक भालेराव यांच्यावर जिल्हाध्यक्षपदाची जबाबदारी सोपवली आहे. मागील तेरा वर्षांपासून भालेराव हे धम्मचळवळीतील युवकांना समता सैनिक, बौद्धाचार्य व श्रामनेर होण्याचा मार्ग दाखवत संघटनेच्या उभारणीत महत्त्वाची भूमिका बजावत आहेत. त्यांच्या या योगदानाचा गौरव करण्यासाठी या सत्कार सोहळ्याचे आयोजन करण्यात आले आहे, अशी माहिती संघटनेचे सचिव आयु. रवींद्र गमरे यांनी दिली.
या कार्यक्रमाला भारतीय बौद्ध महासभा महाबळेश्वर तालुका व मुंबई शाखेचे अनेक मान्यवर उपस्थित राहणार आहेत. त्यामध्ये तालुका अध्यक्ष: नितीन गायकवाड,cकोषाध्यक्ष: एकनाथी भालेराव, सरचिटणीस: अनिल सपकाळ, दिलीप कांबळे, धोंडीबा पवार, शिवराम कांबळे, संदीप भालेराव, प्रकाश सपकाळ, सखाराम कदम, शशिकांत यादव, संघटनेचे अध्यक्ष: संतोष भालेराव, जगन कदम, सचिन मोरे सर वंचित बहुजन आघाडी तालुकाध्यक्ष: उत्तम शेठ भालेराव, मार्गदर्शक: आर.जी. यादव गुरुजी, बी.एस. यादव, दिलीप यादव, विठ्ठल यादव, सिद्धार्थ यादव, रामचंद्र कदम, संपत मोरे, विजय सपकाळ, बबन पवार, आनंद खरात, अभिजीत भालेराव, सुरज कांबळे, अंकित भालेराव, सिद्धार्थ गायकवाड, संदीप तांबे, बबन सपकाळ, सतीश भालेराव, रघुनाथ घाडगे, किसन कांबळे, संजय भालेराव आदी मान्यवर मोठ्या संख्येने सहभागी होणार आहेत.
तसेच सातारा जिल्हा सरचिटणीस बनसोडे सर, माजी सरचिटणीस सुनील सपकाळ, तसेच दिलीप फणसे हेही उपस्थित राहून मार्गदर्शन करणार आहेत.
मुंबई शाखेच्या अध्यक्षांच्या नेतृत्वाखाली आयोजन
संपूर्ण कार्यक्रमाचे आयोजन मुंबई शाखेचे अध्यक्ष आयुष्यमान यशवंत मोरे यांच्या अध्यक्षतेखाली होणार असून, आयोजनात संघटनेच्या सर्व पदाधिकाऱ्यांचे योगदान महत्त्वाचे ठरणार आहे.
महाबळेश्वर तालुक्यातील सर्व समाजबंधूंनी या भव्य सत्कार सोहळ्यास उपस्थित राहावे, असे आवाहन अध्यक्ष यशवंत मोरे यांनी केले आहे.
