प्रतिनिधी(प्रताप भणगे) : स्वा. दादासाहेब उंडाळकर विद्यालयाचे कला शिक्षक अनिल सुतार (सर) गेल्या अनेक वर्षापासून उत्कृष्ट चित्र व रांगोळी काढत आहेत. त्या रांगोळीच्या माध्यमातून सामाजिक संदेश देण्याचे कार्य करत असताना निसर्ग,व्यक्ती फ्रेम रांगोळी व विविध चित्रे काढून आपला नावलौकिक मिळवला आहे.
विविध सामाजिक विषयावर आधारित रांगोळ्या साकारून प्रबोधनाचे काम केले आहे..स्वा. दादा उंडाळकर यांच्या ५१ व्या स्मृती दिनी त्यांनी स्वर्गीय विलासराव उंडाळकर काकांच्या आठवणींना रांगोळीतून उजाळा दिला आहे. रांगोळी ही काकांच्या चेहरावरील भावना आणि हावभाव किती बारकाईने अगदी जिवंत वाटावेत असे रेखाटलेत आहेत. खरंच उत्कंठावर्धक आणि प्रेरणादायी कलाविष्कार सादर करण्यात कला शिक्षक अनिल सुतार कुठेच कमी पडलेले नाहीत.त्यांच्या कलेचे सर्व स्तरातून कौतुक होत आहे.
