नवी मुंबई(अमोल पाटील) : नवी मुंबई आंतरराष्ट्रीय विमानतळ येत्या 25 डिसेंबर पासून कार्यरत होत असून देशांतर्गत विमानतळ सुरू केले जाणार आहे. त्यामुळे पनवेल व आजूबाजूच्या परिसरात वेगाने विकास कामे सुरू आहेत.
इंडिगो आणि एअर इंडिया दोन्ही कंपन्यांनी पहिल्या टप्प्यातील उद्यानाची घोषणा केली आहे. इंडिगो कडून दिल्ली ,मंगरूळ, हैदराबाद ,अहमदाबाद, लखनऊ ,जयपुर ,नागपूर, उत्तर गोवा ,कोचीन आणि मंगरूळ अशा दहा प्रमुख शहरासाठी विमानसेवा उपलब्ध होणार आहे. तर एअर इंडिया २५ डिसेंबर पासून बंगरूळ आणि दिल्ली मार्गावर उड्डाणे सुरू करणार असून १ जानेवारीपासून दोन्ही मार्गावरून सेवा दिवसातून सुरू राहतील. सर्व सेवासाठी ऑनलाईन आणि ऑफलाइन बुकिंग सुरू झाले आहे.
विमानतळ सुरू झाल्यानंतर मुंबई महानगर प्रदेशातून नवी मुंबईकडे होणारे वाहतूक मोठ्या प्रमाणात वाढण्याचा अंदाज व्यक्त करण्यात आला आहे. याच पार्श्वभूमीवर नवी मुंबई महानगरपालिका इकडून ठाणे बेलापूर मार्गाच्या व्यापक पुनर्विकासाची तयारी सुरू आहे.
यामध्ये रबाले जंक्शन उड्डाणपुलासाठी १७१ कोटी रुपये, क्रिस्टल हाऊस पावणे दरम्यान उड्डाणपलासाठी ११० कोटी रुपये तर बीएसएफ परिसर ते महापे येथील हुंडाई शोरूम पर्यंत मोठ्या उड्डाणपणासाठी तब्बल ३३८ कोटी रुपये खर्च अपेक्षित आहे.
याशिवाय ठाणे बेलापूर मार्गाच्या संपूर्ण पुनर्बांधणीसाठी स्वतंत्ररित्या २२७ कोटी रुपयांची तरतूद करण्यात आली. तुर्भे परिसरात वाहतूक कोंडी दूर करण्यासाठी रेल्वे स्थानकाजवळ एक स्वतंत्र उड्डाणपूल आधीच उभारला आहे.
हा परिसर कायमच वाहतुकीच्या समस्येने त्रस्त असल्याने नव्या पुलामुळे मोठाला दिलासा मिळेल अशी अपेक्षा आहे. विमानतळ पूर्ण क्षमतेने कार्यान्वित झाल्यानंतर प्रवासी तसेच मालवाहतूक मोठ्या प्रमाणावर वाढणार असल्याने ठाणे बेलापूर मार्गाचे आधुनिकीकरण आवश्यक ठरणार आहे.
नवी मुंबईतील काही वर्षात सर्व मार्गाचे विस्तारीकरण, मजबुतीकरण आणि सुसज्जीकरण पूर्ण होणार असून ते अधिक सुरक्षित वेगवान वाहतुकीसाठी सक्षम होईल. नवी मुंबई विमानतळामुळे परिसराच्या विकासाला नवे गतिमान मिळण्याची शक्यता व्यक्त होत आहे.
