प्रतिनिधी : पंढरपूर वारीच्या मार्गावर वारकऱ्यांना मोफत वैद्यकीय सेवा पुरवणाऱ्या वैष्णव चॅरिटेबल अ‍ॅण्ड मेडिकल ट्रस्टच्या ३२व्या वर्षीच्या आरोग्य सेवेचा प्रस्थान सोहळा कुर्ल्यातील नेहरूनगर येथील केदारनाथ मंदिरात पार पडला. या कार्यक्रमाला एम.जी.एम. हॉस्पिटलचे अधिष्ठाता डॉ. अडसूळ प्रमुख पाहुणे म्हणून उपस्थित होते.
ट्रस्टची स्थापना १९९६ साली दिवंगत श्री हणुमंतराव महांगडे आणि श्री विजय कासुर्डे यांच्या संकल्पनेतून झाली. वारीदरम्यान अनेक वारकऱ्यांना मधुमेह, ताप, अशक्तपणा, पायांचे घर्षण, सर्दी-खोकला यांसारख्या त्रासांना सामोरे जावे लागते. यासाठी ट्रस्टकडून मोफत उपचार व सुविधा पुरवली जाते.
या वर्षी ८० डॉक्टर, ४०० सेवेकरी, ३ सुसज्ज ॲम्बुलन्स, एलोपॅथी व होमिओपॅथी औषधसामग्री, तसेच गंभीर रुग्णांसाठी ॲम्बुलन्सद्वारे रुग्णालयात दाखल करण्याची सोय करण्यात आली आहे.
वारकऱ्यांनी या सेवेचा लाभ घ्यावा, असे आवाहन ट्रस्टचे कार्यवाह श्री विजय कासुर्डे (संपर्क: ९८१९६ ९७५४५) यांनी केले आहे.
