प्रतिनिधी : सायन रेल्वे स्थानकाजवळील संत शिरोमणी रोहिदास महाराज यांच्या स्मारकावर कोणतीही पूर्वसूचना न देता मनपाने कारवाई केल्यामुळे तीव्र संताप व्यक्त होत आहे. धारावी पोलिसांना याबाबत कुठलीही माहिती देण्यात आलेली नसून, केवळ खासदार वर्षा गायकवाड यांच्याशी पत्रव्यवहार करण्यात आला होता. सोमवार, ७ जुलै रोजी दुपारी अचानक हे स्मारक हटवण्यात आले. ना नोटीस, ना जाहिरात—या गोष्टींमुळे चर्मकार समाजात संभ्रम व संताप निर्माण झाला आहे.या प्रकाराविरोधात मंगळवार, ८ जुलै रोजी सकाळी ११ वाजता सायन स्थानकासमोर धरणे आंदोलन करण्यात आले. स्थानिक चर्मकार समाजातील नागरिकांचे म्हणणे होते. रेल्वे प्रशासन यांनी स्मारक हटवताना स्थानिक राजकीय पक्ष व पोलीस ठाण्याला पूर्वसूचना देणे आवश्यक होते, असा आरोप केला आहे. याबाबत शिवसेना (उद्धव बाळासाहेब ठाकरे) गटाचे माजी उपविभागप्रमुख गणेश खाडे यांनी आंदोलन करत निषेध नोंदवला.
