सातारा : आजच्या काळात पत्रकारितेवर दबाव, दुर्लक्ष आणि असुरक्षिततेचे सावट गडद होत असताना, संविधानवादी व निर्भीड पत्रकारितेचा दीप अखंड प्रज्वलित ठेवणारे नेतृत्व म्हणजे आरपीएस स्टार न्यूजचे आदरणीय संपादक प्रल्हाद चव्हाण होत.
महाबळेश्वर तालुक्यातील अतिदुर्गम, डोंगराळ आणि मोबाईल नेटवर्क व इंटरनेटपासून वंचित भागात गेली दोन ते तीन वर्षे आरपीएस स्टार न्यूजचे प्रतिनिधी उत्तम भालेराव हे पत्रकार म्हणून कार्यरत आहेत. या भागातील सामान्य, वंचित आणि शोषित घटकांचा आवाज बनून त्यांनी प्रामाणिकपणे पत्रकारितेची जबाबदारी पेलली आहे.
नेटवर्क नसलेल्या परिसरातून बातमी पाठवण्यासाठी अनेकदा एक ते दोन किलोमीटर पायपीट करून रेंज शोधावी लागते. मात्र अशा कठीण परिस्थितीतही त्यांनी सत्याची मशाल कधीही विझू दिलेली नाही.
या संघर्षमय प्रवासात संपादक प्रल्हाद चव्हाण हे केवळ संपादक न राहता पत्रकारांसाठी खंबीर आधारस्तंभ ठरले आहेत. रात्री-अपरात्री ज्या क्षणी नेटवर्क उपलब्ध होईल त्या क्षणी फोन उचलून प्रतिसाद देणे, बातमीचे गांभीर्य समजून घेणे, योग्य मार्गदर्शन करणे आणि सत्याच्या बाजूने ठाम उभे राहणे — ही त्यांची कार्यशैली आजच्या पत्रकारितेसाठी आदर्श मानली जात आहे.
आज अनेक ठिकाणी पत्रकारांना दुर्लक्षित केले जाते. मात्र प्रल्हाद चव्हाण यांनी वेळोवेळी योग्य न्याय, सन्मान आणि आवश्यक पाठबळ देत पत्रकारांवरील विश्वास अधिक दृढ केला आहे. त्यांची भूमिका ही संविधानवादी, बहुजनवादी आणि निर्भीड पत्रकारितेचे जिवंत उदाहरण आहे.
अशा प्रेरणादायी, संवेदनशील आणि लढवय्या संपादकाच्या नेतृत्वाखाली काम करण्याचा अभिमान प्रत्येक प्रामाणिक पत्रकाराला वाटतो.
आरपीएस स्टार न्यूजचा झेंडा त्यांच्या नेतृत्वाखाली अधिक उंच फडफडत राहो, हीच क्रांतिकारी शुभेच्छा! असे मनोगत उत्तम पत्रकार भालेराव यांनी व्यक्त केले.
