प्रतिनिधी : अनुशक्ती नगर विधानसभा क्षेत्रात यंदा सार्वजनिक तसेच घरगुती गणेशोत्सव सजावट स्पर्धेचे आयोजन करण्यात आले असून, नागरिकांचा या उपक्रमाला उत्स्फूर्त प्रतिसाद मिळत आहे. पर्यावरण संवर्धन, सामाजिक प्रबोधन आणि चालू घडामोडींवर आधारित सजावटीद्वारे गणेशभक्तांनी सहभाग नोंदवावा, असे आवाहन महाराष्ट्र नवनिर्माण सेनेच्या वतीने करण्यात आले आहे.
या स्पर्धेसाठी विभागाध्यक्ष रवींद्र शेलार आणि विभागाध्यक्षा अमिता गोरेगावकर यांनी पुढाकार घेतला असून, राज्य उपाध्यक्ष नवीन भाऊ आचार्य यांचे मार्गदर्शन लाभले आहे. स्पर्धा यशस्वी होण्यासाठी उपविभागाध्यक्ष सचिन ससाने, राजेश पुरभे, विशाल कदम यांच्यासह सर्व शाखाध्यक्ष आणि महाराष्ट्र सैनिक अथक परिश्रम घेत आहेत.
सार्वजनिक गणेशोत्सव सजावट विभागात प्रथम पारितोषिक ५१,००० रुपये, द्वितीय २५,००० रुपये तर तृतीय १५,००० रुपये व सन्मानचिन्ह अशी बक्षिसे ठेवण्यात आली आहेत. घरगुती गणेशोत्सवासाठी प्रथम पारितोषिक ११,००० रुपये, द्वितीय ७,००० रुपये तर तृतीय ५,००० रुपये व सन्मानचिन्ह देण्यात येणार आहे. तसेच सर्व सहभागींसाठी विशेष पारितोषिकाची तरतूद आहे. सामाजिक, पर्यावरणपूरक आणि प्रबोधनपर देखाव्यांना प्राधान्य दिले जाणार आहे.
स्पर्धेसाठी अर्ज स्वीकारण्याची अंतिम तारीख ३ सप्टेंबर २०२५ असून, सहभाग नोंदवण्यासाठी सजावटीचे फोटो, नाव व पत्ता व्हॉट्सअॅप क्रमांक ९०८२०१८५४८ वर पाठवावे, असे आवाहन आयोजकांनी केले आहे. नागरिकांमध्ये या उपक्रमाची मोठी चर्चा सुरू असून, गणेशभक्तांनी महाराष्ट्र नवनिर्माण सेनेच्या या उपक्रमाचे कौतुक केले आहे.
