मुंबई (शांताराम गुडेकर) : शिवसेना शाखा क्रमांक ६६ (उ.बा.ठा) विभागात राहणाऱ्या लता गोपीनाथ शिंदे( वय-७६ वर्ष )या आजी रस्त्यावर राहात होत्या.त्यांच्याकडे झोपायला सुद्धा जागा उपलब्ध नव्हती.त्यांचा सांभाळ करायला किंवा काळजी घ्यायला कोणीच नाही अशी माहिती शिवसेना शाखा क्र. ६६च्या उप महिला संघटिका श्रद्धा वाल्मिकी व गटप्रमुख धर्मराज यांना मिळाली.त्यानंतर लता ताईंची व्यथा शाखेवर येऊन सांगितले.त्यांची अडचण लक्षात घेऊन मीनाली पाटील(शाखा संघटिका)यांनी लता गोपीनाथ शिंदे( वय-७६ वर्ष )यांना विरार येथील मराठा फॉउंडेशन विरार पूर्व या आश्रमात घेऊन जाण्याचा व तेथे त्यांची राहण्याची व जेवणाची सोय करून सहारा दिला.या विभागाचे विधानसभा संघटक श्री.संजय मानाजी कदम,व उपविभागप्रमुख प्रसाद आयरे, उदय महाले (शाखाप्रमुख ) यांच्या मार्गदर्शनाने व शिवसेनेच्या पक्षाच्या आशीर्वादाने हे काम पार पडले असे मत यानिमित्ताने बोलताना मीनाली पाटील(शाखा संघटिका)यांनी व्यक्त केले.
