प्रतिनिधी : कराड येथे दिनांक रविवारी ७ सप्टेंबर २०२४ रोजी गोटे ता.कराड गावचे रहीवाशी अधिकराव दिनकर पवार हे आपले कुटुंबासमवेत हरतालिका मुर्ती विसर्जन करणेसाठी प्रितीसंगम घाट कराड येथे गेले असता हरतालिका मुर्ती विसर्जन करतेवेळी ८,३०००० रु.किंमतीचा अंदाजे १० तोळे वजनाचा सोन्याचा राणीहार त्यांचेकडुन चुकून विसर्जन झाला होता. सदरचा राणीहार प्रितीसंगम घाट येथे भंगार गोळा करणा-या महीला नुरजहाँ फकीर रा.शिवाजी स्टेडीयमजवळ कराड यांना गुरुवार दिनांक ११ सप्टेंवर २०२४ सापडलेला होता. त्यानंतर नुरजहाँ फकीर यांनी सदरचा सोन्याचा राणीहार त्यांचे ओळखीचे सोनार सुपर ज्वेलर्स चे मालक निसार सय्यद यांचेकडे आणुन दिला व त्यानंतर निसार सय्यद यांनी ही घटना माजी नगरसेवक सिद्धार्थ थोरवडे यांना कळवली. निसार सय्यद व सिद्धार्थ थोरवडे यांनी त्या महिलेस तो हार तुम्हाला पाहिजे का असे विचारले असता सदर महिलेने तो ज्यांचा असेल त्यांना द्यावा .असे प्रामाणिकपणे सुचित करून माणुसकीचे एकप्रकारे दर्शन घडवून आणले आहे. श्री सिद्धार्थ थोरवडे, निसार सय्यद त्या महिलेसोबत येऊन सदरचा १० तोळे वजनाचा सोन्याचा राणीहार कराड शहर पोलीस स्टेशन मध्ये आणुन हजर केला. पोलिसांनी अधिकराव दिनकर पवार
यांना बोलावुन घेवुन सदरचा सोन्याचा राणीहार ओळख पटवुन त्यांचे ताब्यात दिलेला आहे. तसेच नुरजहाँ फकीर रा.शिवाजी स्टेडीयमजवळ कराड यांच्या प्रामाणिकपणाबद्दल त्यांना १०,०००/- रु.रोख रक्कम व सोबत असणाऱ्या महीलांना साडी देवुन यथोचित सत्कार करणेत आलेला आहे.
तसेच सदर महिला दुकानात आल्यानंतर सदर हार सोन्याचा आहे हे महिलेला सांगितले व ही बाब पोलिसांना सुद्धा प्रामाणिकपणे कळवल्याबद्दल सुपर ज्वेलर्सचे मालक निसार सय्यद यांचा सुद्धा सत्कार करण्यात आला.
सदरवेळी गुन्हे प्रकटीकरणचे गणेश कड , माजी नगरसेवक सिद्धार्थ थोरवडे , माजी नगरसेवक घनश्याम पेंढारकर, सामाजिक कार्यकर्ते मुकुंद चरेगावकर , समाधान चव्हाण व आदिमाया मंडळाचे किरण मुळे व मा नगरसेवक गंगाधर जाधव, माजी नगरसेवक शिवाजी पवार तात्या व पोलीस अधिकारी तारू साहेब, गुन्हे प्रकटीकरण शाखेकडील अधिकारी, अंमलदार उपस्थित होते…
