घाटकोपर पश्चिम येथील कक्ष विधानसभा संघटक यशवंत खोपकर समाज रत्न पुरस्कार -२०२५ ने सन्मानित

मुंबई (शांताराम गुडेकर) : मराठी अस्मितेचा मानबिंदू, रोखठोक वर्तमानपत्र “आदर्श रायगड” या वृत्तपत्र व वृत्तवाहिनीच्या ४थ्या वर्धापन दिनानिमित्त रविवार दिनांक १२ ऑक्टोबर २०२५ रोजी अंबरनाथ येथील अंबर रोटरी भवन येथे आयोजित राज्यस्तरीय पुरस्कार सोहळ्यात घाटकोपर येथील शिवसेना ग्राहक संरक्षण कक्ष घाटकोपर पश्चिम विधानसभा संघटक,मायेची सावली एक हात कर्तव्याचा संस्थापक अध्यक्ष श्री.यशवंत विठ्ठल खोपकर यांना सामाजिक कार्य क्षेत्रातील कामगिरीसाठी “समाज रत्न पुरस्कार-२०२५ मान्यवरांच्या शुभहस्ते स्वीकारला. तसेच आदर्श सामाजिक संस्था म्हणून शिवसेना उध्दव बाळासाहेब ठाकरे प्रणित मायेची सावली एक हात कर्तव्याचा या संस्थेला “आदर्श सामाजिक संस्था पुरस्कार -२०२५ प्रदान करण्यात आलेला पुरस्कार, संस्थेचे अध्यक्ष श्री. यशवंत खोपकर ,दौलत बेलेकर, वसंत घडशी, राजेंद्र पेडणेकर,आणि अन्य पदाधिकारी, सदस्य यांनी स्वीकारला.यावेळी व्यासपीठाव ह.भ.प.उमेश महादेव शेडगे, ह .भ .प. रघुनाथ दादा मोरे,तुळशीराम चौधरी( नगरसेवक ),कृष्णा कदम (केके )संस्थापक अध्यक्ष वैद्यकीय मदत कक्ष,प्रेरणा वैभव गावकर (प्रेरणा फाउंडेशन संस्थापक /अध्यक्ष),
कृष्णा चंद्रकांत कदम( शिवसेना कोल्हापूर तालुका सह संपर्कप्रमुख)आदी राजकीय क्षेत्राबरोबरच वारकरी संप्रदायातील मान्यवर उपस्थित होते. कार्यक्रमाचे उत्तम व नेटनेटके आयोजन वृत्तपत्राचे मुख्य संपादक रमेश सणस, कार्यकारी संपादक शैलेश सणस तसेच उपसंपादक अविनाश म्हात्रे यांनी केले.
दरवर्षी विविध क्षेत्रात उल्लेखनीय कार्य करणाऱ्या व्यक्ती, संस्था यांना त्यांच्या कार्याचा गौरव म्हणून वेगवेगळे पुरस्कार देऊन सत्कार करण्यात येतो. यावर्षी ग्रामीण तसेच शहरी भागातील गरजू व्यक्ती, विद्यार्थी, रुग्णांना, दिव्यांग, जेष्ठ नागरिक यांना सातत्याने मदतीचा हात देत वैद्यकीय उपचारसाठी सहकार्य करणाऱ्या घाटकोपर येथील समाजसेवक, मुक्त पत्रकार याना विविध क्षेत्रातील मान्यवर यांच्या शुभ हस्ते सन्मानित करण्यात आले.
या पुरस्कार साठी संस्थेनेसामाजिक,शैक्षणिक,पत्रकारिता,साहित्य,वैद्यकीय,क्रीडा आदींचा समावेश केला आहे.सामाजिक कार्य क्षेत्रातून यशवंत खोपकर यांना महाराष्ट्र गौरव पुरस्कार देण्यात आला.गेली अनेक वर्ष यशवंत खोपकर आणि त्यांची संस्था पदाधिकारी, सदस्य, सभासद आणि हितचिंतक मुंबई सह मुंबई पूर्व -पश्चिम उपनगर, ठाणे, पालघर आणि रत्नागिरी, रायगड, सिंधुदुर्ग जिल्ह्यातील अनेक ग्रामीण भागातील गरजू रुग्णांना, दिव्यांग, विद्यार्थी, जेष्ठ नागरिक, विविध रुग्णालयात उपचार मिळवून देण्यासाठी सेवाकार्य करत आहेत.तसेच दिव्यांग रुग्णांना कृत्रिम हात पाय देऊन त्यांना स्वबळावर उभे करण्यासाठी प्रोत्साहन देत आहेत.यशवंत खोपकर आणि मायेची सावली एक हात कर्तव्याचा संस्था याना या सेवा कार्यासाठी यापूर्वीही विविध पुरस्काराने सन्मानित करण्यात आलेले आहे.त्यांच्या याच कार्याचे कौतुक म्हणून त्यांना हा पुरस्कार देऊन गौरविण्यात आले असे आयोजकांकडून सांगण्यात आले.शिवसेना उध्दव बाळासाहेब ठाकरे प्रणित मायेची सावली एक हात कर्तव्याचा संस्थापक अध्यक्ष यशवंत विठ्ठल खोपकर, सचिव संदीप चादीवडे दौलत बेल्हेकर , वसंत घडशी, गंधाली मयेकर, निर्मला आवटे, राजेंद्र पेडणेकर, संतोष चादे, वैभव डोके, महेश कुलकर्णी, विश्वास तेली, राजेंद्र चिखलकर, संतोष होलब, यांच्या सहकार्यने यशवंत खोपकर सातत्याने विविध उपक्रम राबवत असतात. त्यांना हा पुरस्कार प्राप्त झाल्याबद्दल अनेकांनी त्यांना अभिनंदनसह शुभेच्छा दिल्या आहेत.