मुंबई(रमेश औताडे) : बुद्धगया येथील महाबोधी महाविहार हे बौद्धांचे सर्वोच्च जागतिक श्रद्धास्थान आहे. महाकारुणिक तयागत भगवान बुद्धांना जिथे ज्ञानप्राप्ती झाली ते बुद्धगया येथील महाबोधी महाविहार बौद्धांच्या आजही ताब्यात नाही. ते ताब्यात घेण्यासाठी व महाबोधी महाविहार मुक्तीसाठी राज्यव्यापी मोर्चा १४ ऑक्टोबर रोजी आझाद मैदानात होत असल्याची माहिती केंद्रीय मंत्री रामदास आठवले यांनी मुंबई मराठी पत्रकार संघ येथे आयोजित पत्रकार परिषदेत बोलताना दिली
यावेळी आठवले म्हणाले, ज्या कर्मकांड पिंडदानाला अंधश्रद्धेला भगवान बुद्धांनी विरोध केला ते प्रकार महाबोधी महाविहार परिसरात होत असल्याने बौद्धांच्या भावना दुखावल्या जात आहेत. त्यामुळे महाबोधी महाविहार मुक्तीसाठी राज्यव्यापी मोर्चा १४ ऑक्टोबर रोजी आझाद मैदानात होत असल्याची माहिती केंद्रीय मंत्री रामदास आठवले यांनी मुंबई मराठी पत्रकार संघ येथे आयोजित पत्रकार परिषदेत बोलताना दिली.
महाबोधी महाविहार व्यवस्थापन ट्रस्ट मध्ये चार हिंदू चार बौद्ध आणि कलेक्टर चेअरमन असतात. महाबोधी महाविहार पूर्णतः बौद्धांच्या ताब्यात नाही. त्यामुळे महाबोधी महाविहार व्यवस्थापन कायदा १९४९ ज्याला बिटी ऍक्ट म्हटले जाते तो बी टी ऍक्ट रद्द झाला पाहिजे. भारताचे संविधान २६ जानेवारी १९५० रोजी लागू झाले असून त्यापूर्वीचा १९४९ चा बिहार विधानसभेचा बिटी ऍक्ट रद्द झाला पाहिजे असे आठवले यांनी सांगितले.
यावेळी महाबोधी महाविहार मुक्ती आंदोलन कृती समिती चे निमंत्रक रिपब्लिकन पक्षाचे राष्ट्रीय अध्यक्ष केंद्रीय राज्यमंत्री ना. रामदास आठवले; पीपल्स रिपब्लिकन चे प्रा. जोगेंद्र कवाडे; रिपाइं गवई गटाचे डॉ राजेंद्र गवई; रिपाई एकतावादी चे नानासाहेब इंदिसे; बी आर एस पी चे अॅड सुरेश माने; दि बुद्धीस्ट सोसायटी ऑफ इंडिया चे चंद्रबोधी पाटील; काँग्रेस चे नितीन राऊत; खासदार चंद्रकांत हंडोरे; खासदार वर्षाताई गायकवाड; शिवसेने चे नेते कॅबिनेट मंत्री संजय शिरसाट; आ. संजय बनसोडे; आ. राजकुमार बडोले; देशक खोब्रागडे; सुलेखाताई कुंभारे; अर्जुन डांगळे; जयदेव गायकवाड; अक्षय आंबेडकर; जयदीप कवाडे; अविनाश महातेकर; राजू वाघमारे; राम पंडागळे; भाई गिरकर; पद्मश्री कल्पना सरोज; दीपक निकाळजे; दैनिक सम्राट चे संपादक कुणाल बबन कांबळे; दलित पँथर चे बुद्धभूषण गोटे; दलित पँथर सेना चे दीपक केदार; पँथर्स रिपाइं चे सिद्धांत गाडे; भीम आर्मी चे अशोक कांबळे; सुनील डोंगरे; तानसेन ननावरे; काकासाहेब खंबाळकर, दिलीप जगताप; सुनीलभाऊ निर्भवने; सुरेश केदारे; जय भीम आर्मी चे नितीन मोरे; दलित पँथर चे बाळासाहेब पडवळ;, मिलिंद सुर्वे; विलास रूपवते; रवी गरुड; जयमंगल धनराज; अनिकेत संसारे; व्ही एस मोकळे; गगन मलिक; विठोबा पवार; अॅड दिलीप काकडे; कनिष्क टी कांबळे; जय मंगल धनराज; सुनील रामटेके; एन के कांबळे; सुनील वाघपंजे; वी ल मोहिते; नागसेन कांबळे; लक्ष्मण भगत; रिपब्लिकन पक्षाचे गौतम सोनवणे; सिद्धार्थ कासारे सुरेश बाशिंग; घनश्याम चिरणकर; प्रकाश मोरे; चंद्रशेखर कांबळे; दादासाहेब मर्चडे; आदी सर्व रिपब्लिकन गट; बौद्ध धार्मिक संघटना आणि सर्व पक्षातील बौद्ध नेते यांचा या महाबोधी महाविहार मुक्ती आंदोलन कृती समिती मध्ये समावेश आहे. तसेच या समिती मध्ये बौद्ध भंते विनाचार्य; आकाश लामा; पूज्य भदंत राहुल बोधी महाथेरो; भदंत विरत्न थेरो; भंते हर्षबोधी; भदंत बोधिशील; भदंत शांतिरत्न; भंते विनय बोधी महाथेरो; भदंत लामा; आदी अनेक मान्यवर सर्व बौद्ध संघटना आणि रिपब्लिकन गटांचे प्रतिनिधी या कृती समिति मध्ये आहेत.
