मुंबई (शांताराम गुडेकर) : मैत्रेय बहुउद्देशीय सेवाभावी संस्था संचलित जी.के.एस. कला, वाणिज्य व विज्ञान महाविद्यालय, खडवली येथे ठाणे ग्रामीण पोलीस टिटवाळा व खडवली पोलिस पथकाच्या वतीने विद्यार्थिनींना ‘गुड टच आणि बॅड टच’ या विषयावर जनजागृतीपर मार्गदर्शन करण्यात आले.
महिलांवर होणारे अत्याचार, शारीरिक व मानसिक त्रास याबाबत स्वसंरक्षण आणि सतर्कतेसाठी विद्यार्थ्यांना सोमवारी (दि. ६ ऑक्टोबर) प्रशिक्षण देण्यात आले. यावेळी शिक्षक आणि विद्यार्थ्यांना जागरूक राहण्यासाठी सूचना देण्यात आल्या तसेच एक माहितीपूर्ण चित्रफित दाखवण्यात आली.
कार्यक्रमास महाविद्यालयाचे प्राचार्य डॉ. एस. जी. सागर, उपप्राचार्य श्री. प्रशांत तांदळे, पोलिस हवालदार श्री. औटी, महिला पोलिस निरीक्षक श्रीमती भाग्यश्री, श्रीमती रेश्मा मॅडम तसेच श्री. ढिगे साहेब उपस्थित होते. प्रशिक्षण व मार्गदर्शनासाठी आलेल्या पोलिसांचा सत्कार प्रा. रसिका लोकरे आणि श्री. कुंटे यांच्या हस्ते करण्यात आला.
या कार्यक्रमाला इयत्ता अकरावी आणि बारावीचे विद्यार्थी व विद्यार्थिनी मोठ्या संख्येने उपस्थित होते. उपस्थित विद्यार्थ्यांमध्ये कु. प्रणिता गायकवाड, कु. मयुरी दाभाणे, कु. रितिका मोरे, कु. सुमिता कोठे, कु. कावेरी राऊत, कु. दिव्या दाभाणे, कु. रिया सिंग, कु. मोहिनी राम जाधव, कु. कावेरी प्रभाकर जाधव, कु. प्रीती, श्री. रवींद्र, श्री. राजन, कु. ऋतुजा, श्री. गणेश सोनवणे, कु. साक्षी जाधव, श्री. सनी सातप, श्री. रोशन, श्री. जगन, श्री. अतुल, श्री. विश्वास जाधव, श्री. अभिजीत, श्री. सुभाष जाधव, श्री. प्रशिक आठवले आदींचा सहभाग होता.
या उपक्रमामुळे विद्यार्थ्यांमध्ये आत्मविश्वास, जागरूकता आणि स्वसंरक्षणाची भावना निर्माण झाली.
