मुंबई :
समाजातील गरजू आणि होतकरू विद्यार्थ्यांना मदतीचा हात म्हणून येत्या गणेशोत्सवात विद्येची देवता असलेल्या गणरायाचरणी हार, फुले, मोदकांसह वह्या पेन, पेन्सिल व शैक्षणिक साहित्य अर्पण करून समाजातील गरजू विद्यार्थ्यांच्या शिक्षणासाठी हातभार लावा असे आवाहन एक वही एक पेन अभियानच्या वतीने राज्यातील गणेशभक्त व गणेश मंडळांना करण्यात आले आहे.
येत्या 27 ऑगस्ट रोजी श्रीगणेशाचे आगमन होत आहे महाराष्ट्रात १० दिवस गणेशोत्सव मोठ्या प्रमाणात साजरा करण्यात येतो. यावेळी आकर्षक रोषणाई, देखावे तसेच विविध
सांस्कृतिक कार्यक्रमांची रेलचेल असते. राज्यातील काही सार्वजनिक गणेशोत्सव मंडळे व व पक्ष संघटनांकडून स्तुत्य असे उपक्रमदेखील राबविले जातात.
याचाच एक भाग म्हणून गणेशभक्तांनी दर्शनाला येताना हार फुले, मोदक, नारळ या पूजेच्या व प्रसादाच्या वस्तुसह आपापल्या परीने वह्या, पेन पेन्सिल स्कूल बॅग वापरात नसलेले जुने मोबाईल, टॅब पुस्तके, आदी शैक्षणिक साहित्य गणरायाचरणी अर्पण करावे सार्वजनिक गणेशोत्सव मंडळांनी देखील आपल्या मंडळाच्यावतीने गणेशभक्तांना तसे आवाहन करावे असे आवाहन एक वही एक पेन अभियानाच्या वतीने करण्यात आले आहे.
सदर उपक्रमात सहभाग देण्यासाठी ९३७२३४३१०८ या मोबाईल क्रमांकावर संपर्क साधावा असे आवाहन राजू झनके यांनी अभियानच्या वतीने केले आहे.
