सुपने (ता. कराड) : शिवछत्रपती कुस्ती केंद्र, सुपने येथे आयोजित उन्हाळी कुस्ती प्रशिक्षण शिबिराचा समारोप आणि प्रशिक्षणार्थींना प्रशस्तीपत्र वितरणाचा कार्यक्रम स्वातंत्र्यसैनिक जगन्नाथराव पाटील सभागृहात गावातील विविध मान्यवरांच्या उपस्थितीत आणि हस्ते उत्साहात पार पडला. या कार्यक्रमाचे संयोजन v अध्यक्ष बलराज पाटील (आण्णा) यांनी केले होते.
या कार्यक्रमास प्रमुख पाहुणे म्हणून जे. आर. पाटील (नाना), सर्जेराव पाटील (बापू), अनिल पानुगडे, भाऊ पाटील, हिंदुराव पाटील, भागोजी बडेकर, तुकाराम मोरे, ग्रा. पं. सदस्य अमृत पाटील, राजकुमार पाटील, युवा नेते व कार्यकारी सरपंच विनोद पाटील, हनुमंत पाटील (फौजी), दादा पाटील (फौजी), माजी सरपंच सतीश पानुगडे, बाळासाहेब कोळी, सौ. सोनाली शिंदे, पैलवान साहिल पाटील तसेच गावातील आजी-माजी कुस्तीपटू व ग्रामस्थ मोठ्या संख्येने उपस्थित होते.
कार्यक्रमाचे सूत्रसंचालन माजी उपसरपंच अजित जाधव यांनी केले. प्रास्ताविक हिंदू एकता अध्यक्ष गणेश पाटील यांनी केले. यावेळी जे. आर. पाटील आणि वस्ताद प्रशांत पाटील, प्रदीप बाबर (वस्ताद) यांनी उपस्थितांना मार्गदर्शन केले. कार्यक्रमाचे आभार भिमराव कुंभार यांनी मानले.
या कार्यक्रमाच्या माध्यमातून कुस्ती क्षेत्रात नवोदित खेळाडूंना प्रोत्साहन देऊन गावाच्या कुस्ती परंपरेला पुढे नेण्याचा संकल्प करण्यात आला.
