प्रतिनिधी : जि. प. प्राथ. शाळा बामणवाडी ( कुंभारगाव ) , ता. पाटणची विद्यार्थिनी कु. प्रांजल लक्ष्मण भातभके हिची नवोदय विद्यालय सातारा येथे निवड झाली आहे. आई वडील शेतकरी असलेल्या गरीब कुटुंबातील विद्यार्थिनीची नवोदय विद्यालय साठी निवड झाल्याबद्दल परिसरातून आनंद व्यक्त केला जात आहे. तिला वर्गशिक्षिका सौ. रुपाली राजेंद्र पवार यांचे मार्गदर्शन मिळाले. तिच्या या यशाबद्दल गटशिक्षणाधिकारी सौ. बोरकर मॅडम , केंद्रप्रमुख श्री. अनिल पवार साहेब , मुख्याध्यापक सौ संगीता देसाई मॅडम , शाळा व्यवस्थापन समिती बामणवाडी यांनी अभिनंदन केले.
