नवी मुंबई(खंडुराज गायकवाड) :
सांस्कृतिक कार्य संचालनालय विविध प्रकारच्या कार्यक्रमांचे आयोजन करते याचाच एक भाग म्हणून दि. ९ मार्च ते १३ मार्च, २०२६ या कालावधीत ढोलकीफड तमाशा महोत्सवाचे आयोजन करण्यात आले आहे. हा कार्यक्रम दि.९ मार्च ते १३ मार्च,२०२६ या कालावधीत सायंकाळी ६.३० वा. सिडको सेक्टर ५, गांवदेवी मैदान, सानपाडा, नवी मुंबई येथे तंबुमध्ये संपन्न होणार आहे. दि.९ मार्च,२०२६ रोजी तमाशा सम्राज्ञी विठाबाई नारायणगांवकर लोकनाट्य तमाशा मंडळ, मु.पो.नाराणगांव, जि.पुणे, यांनी सादर केली. या उद्घाटन प्रसंगी उपमहापौर श्री दशरथ भगत,लोककला ज्येष्ठ अभ्यासक प्रकाश खांडगे, लोककला अभ्यासक पत्रकार श्री खंडूराज गायकवाड, नगरसेविका सभापती श्रीम. शैला पाटील, नगरसेवक श्री भाऊ भापकर, नगरसेविका श्रीम शिल्पा ठाकूर, ज्येष्ठ लोक कलावंत हसनभाई शेख हे हजर होते. दि.१० मार्च, २०२६ रोजी संगीताची राणी कमल अनिल कराडकर लोकनाट्य तमाशा मंडळ, मु.पो.आगाशिवनगर, दांगटवस्ती, ता.कराड, जि.सातारा, दि.११ मार्च,२०२६ रोजी वगसम्राट मा.शांताराम चव्हाण दहिवतकर लोकनाट्य तमाशा मंडळ, मु.पो.दहिवत, ता.अमळनेर, जि.जळगांव, दि. १२ मार्च,२०२६ रोजी तमाशा महर्षी आनंदराव महाजन लोकनाट्य तमाशा मंडळ, आसोदा रोड, शनिपेठ, जळगाव, दि.१३ मार्च,२०२६ रोजी तमाशा सम्राट तुकाराम खेडकर सह पांडुरंग मुळे मांजरवाडीकर लोकनाट्य तमाशा मंडळ, मु.पो.नारायणगांव, जि.पुणे यांचे सादरीकरण होणार आहे.
सांस्कृतिक कार्य मंत्री ॲङ आशिष शेलार व सांस्कृतिक कार्य विभागाचे सचिव, डॉ.किरण कुलकर्णी यांच्या मार्गदर्शनाखाली हा ढोलकीफड तमाशा महोत्सव पार पडणार आहे. हा महोत्सव रसिकांसाठी पूर्णपणे विनामूल्य असून, नवी मुंबई परिसरातील रसिक प्रेक्षकांनी पुढील ४ दिवस या महोत्सवास उपस्थित राहून आस्वाद घ्यावा, असे आवाहन श्रीराम पांडे, संचालक, सांस्कृतिक कार्य संचालनालय, महाराष्ट्र राज्य, मुंबई यांनी केले आहे.
