प्रतिनिधी(शांताराम गुडेकर ) : लोकनिर्माण प्रतिष्ठान या संस्थेचे उद्घाटन प्रतिष्ठानचे सर्व पदाधिकारी आणि विश्वस्त यांच्या उपस्थितीत सामाजिक कार्यकर्ते आणि उपाध्यक्ष युयुत्सु आर्ते यांच्या हस्ते तुळशीला पाणी घालून संपन्न झाले.संस्थेची पहिली सर्वसाधारण सभा रविवार दि.(५ मे ) रोजी दुपारी १२ वाजता संस्थेच्या पाग येथील कार्यालयात संपन्न झाली.या सभेला अध्यक्ष बाळकृष्ण कासार, उपाध्यक्ष युयुत्सू आर्ते, सचिव संजय गोरीवले, खजिनदार पुनित कासार, विश्वस्त सुविधा कासार, पुनम खरे, नेत्रा टोपरे, प्रमोद आंब्रे, सत्यवान विचारे आणि नवीन सदस्य संतोष शिंदे उपस्थित होते. संस्थेला कमी कालावधीत आणि मार्च २०२४ अखेर नोंदणी प्रमाणपत्र मिळाल्याबद्दल संस्थेचे उपाध्यक्ष युयुत्सु आर्ते यांनी सर्व विश्वस्तांचे पेन देऊन अभिनंदन केले.
सर्वप्रथम संस्थेतील व्यक्तींची ओळख करण्यात आली. त्यानंतर तुळशीच्या रोपाला पाणी घालून कार्यक्रमाला सुरुवात करण्यात आली.यावेळी समाजोपयोगी कामांना मंजुरी देण्यात आली.त्यातील याच महिन्यात २२ ते २६ कालावधीत होणाऱ्या मुंबई कुर्ला येथे अभिनय कार्यशाळेला मंजुरी देण्यात आली.संस्थेच्या पहिल्याच सर्वसाधारण सभेला सर्व विश्वस्त उपस्थित राहिल्याबद्दल सचिव संजय गोरीवले यांनी आभार मानून सभेची सांगता केली.
