मुंबई : मुंबईतील सेनापती बापट मार्गावरील मीनाताई फूल मार्केट परिसरात काल पहाटे ४ ते ५ वाजण्याच्या सुमारास दोन तरुणांवर काही हमालांनी जीवघेणा हल्ला केल्याची धक्कादायक घटना घडली आहे.
या घटनेत योगेश मिलिंद गढीरे आणि पुथवी बाळकृष्ण सिरकुंडा (दोघेही रा. डॉ. बाबासाहेब आंबेडकर नगर, सेनापती बापट मार्ग) हे घरी जात असताना अज्ञात कारणावरून त्यांच्यावर बांबू, लोखंडी रॉड आणि कॅरेटसारख्या वस्तूंनी बेदम मारहाण करण्यात आली.
हल्ल्यात योगेश गढीरे हा गंभीर जखमी झाला असून त्याची प्रकृती चिंताजनक आहे. त्याला तातडीने k.E M.रुग्णालय येथे उपचारासाठी दाखल करण्यात आले आहे. पुथवी सिरकुंडा यालाही दुखापत झाली असून त्याच्यावर उपचार सुरू आहेत.
या प्रकरणी दादर पोलिस ठाणे अंतर्गत गुन्हा नोंदविण्यात आला असून पोलिसांकडून पुढील तपास सुरू आहे. हल्ल्याचे नेमके कारण अद्याप स्पष्ट झाले नसून परिसरात तणावाचे वातावरण निर्माण झाले आहे.
