मुंबई (शांताराम गुडेकर ) शिवभक्त कोकण व निलक्रियेटर यांच्या संयुक्त विद्यमाने आयोजित व्यावसायिक सन्मान सोहळा 'मी कोकणी उद्योजक' आज मुंबईतील चर्नी रोड येथील साहित्य संघ नाट्यगृहात विविध क्षेत्रातील मान्यवर यांच्या उपस्थितीत मोठ्या उत्साहात संपन्न झाला.या सोहळ्यात कोकणचे सुपुत्र, सामाजिक, माहिती अधिकार कार्यकर्ते, पत्रकार, रेल्वे मॅन श्री. संदेश जिमन यांचाही सन्मान करण्यात आला. यावेळी त्यानी आजपर्यंत रेल्वेच्या सुविधा संगमेश्वर तालुकावासीयाना मिळण्यासाठी केलेल्या संघर्षाचा आढावा घेतला. हा पुरस्कार माझ्या एकट्याचा नसून तालुक्यातील प्रत्येकाचा आहे.तालुक्यातुन रेल्वेने प्रवास करणा-या सर्व प्रवासी वर्गाला मी हा संपर्पित करतो असे संदेश जिमन यांनी नम्रपणे नमुद केले.रेल्वेच्या सोयी सुविधांसाठी २४ तास निस्वार्थीपणे संघर्ष करणा-या संदेश जिमन याना पुरस्कार मिळाल्याबद्दल त्यांचे रत्नागिरी जिल्हा, संगमेश्वर तालुका मधील अनेक मान्यवर सह सर्व स्तरातुन अभिनंदन होत असून त्यांना पुढील वाटचालीस शुभेच्छा दिल्या आहेत.
